متخافش من بُكره خاف بس من خوفك خلِّى الحياة فكره و ارسمها بحروفك إفرش سمَاك ألوان إعشق بكل جنان واياك تعيش ندمان أو مَحنِى لظروفك كل الجراح جواك بالصبر تطرح ورد خطاويك عيدان خضرا و مسيرها يوم تشتد دى الشمس مهما تغيب يفضل شروقها نصيب لو حتى كنت غريب حضن القلوب يتمَد افتح بيبان الصمت و اصرخ بصوت مسموع لو زاد عليك الصعب خلِّى الجبين مرفوع إفتح عينيك شبابيك ضُم الوجود بإيديك دا الفرح مستنيك و الحلم مش ممنوع