|
قالو العلم ممحوق
كتر الفهم ما بحوق
آخر الزمن يا ناس
ودوا الولد للسوق
الا القرش خلاك
خاوي الكرش والراس
وين قلمك المسنون
وين دفتر الكراس
قبال تشب سرقوك
لزوك في الاحساس
والتهمة بس في مين
مثبوتة في الحراس
ولدا قوي ومقدام
زيك حرام حرام ينضار
الا الصبر لابد
يغلب قسى الأيام
عين الأمل بتشوف
فجر الخلاص قدام
حظا سعيد للناس
يتوارى في الأوهام
مسجون
مسجون وقيدك فيك
منك متين متين ينفك
مبلوع في بطن الحوت
مطبوق عليك الفك
شمس الحقيقة متين
تطلع تزيل الشك
ترجع قرايتك يوم
وانت العليك الرد
|
