اول بداية غلاها اللي سكن ذاتي رحلة قطار ابتدت منها حكايتنا شافت غرامي وحبي وسط نظراتي من دون نشعر بدينا في محبتنا صارت محطات فكري و احتمالاتي كل ما اغمض عيوني شفت ضحكتنا من وين اطالع الاقيها اتجاهاتي صارت مساحة الارض ماتوسع مساحتنا وانا معاها رحلت بدون ماحاتي واقول ربي يطول في مسافتنا الله على اللي حسنها جمع اشتاتي اللي بحلاها ولا ادري وين ودتنا ان كان للزين اايه او علاماتي والله العظيم اوصافها حيل شاقتنا شفت الغلا و المحبه و كل راحاتي مع فوضوية دلعها تزيد راحتنا ترضى و تزعل و اراضيها بمهواتي وتقول هذا ترا من زود غيرتنا حتى زعلها يليق ف كل حالاتي فديت من زادت حلاوتها حلاوتنا و اذا زعلت تقول تكفى بس وحياتي زعلك هذا يا عمري يزيد حسرتنا هذي حياتي و هذي كل غاياتي يالله عساها ع خير تدوم فرحتنا